Јавна дебата во Калифорнија за репарации за Афроамериканците робови

 Властите на американската сојузна држава Калифорнија разгледуваат можности за обесштетување, поточно репарации за потомците на Афроамериканците кои во минатото биле робови.

– Ако тие 20 хектари и мазгата што им била ветена на ослободените робови денес им биде дадена на потомците на тие робови, сите ќе бидеме милијардери. Слушам како многу луѓе велат: „Е па, јас не сум поседувал роб, тоа било одамна“. Па, наследници сте на богатство – можете и да го преземете долгот кон Афроамериканците, истакна Стивен Бредфорд, сенатор од Калифорнија, од Демократската партија.

Сѐ ова се случува во светло на протестите против полициското насилство во САД и најновите неколку случаи на насилство врз црнци од страна на полицијата, што се случија неодамна.