(Видео) „Анксиозни торбички“ стануваат нов тренд меѓу генерацијата З за справување со напади на паника

Таканаречените „анксиозни торбички“ се најновиот тренд меѓу генерацијата З за справување со напади на паника, пишува New York Post.

Станува збор за мали, однапред подготвени комплети со предмети за смирување кои корисниците ги носат со себе за да помогнат во моменти на силна анксиозност или паника.

Една од нив е 22-годишната Хана Фоулс од американската држава Јута, која изјавила дека по напорен ден на работа доживеала силен напад на паника дома, со стегање во градите и забрзани мисли. Таа користела своја „торбичка за смирување“ составена со помош на терапевт, во која имало лекови, ладен облог, мали сензорни предмети и уред за ладење, по што успеала да се смири за околу десет минути.

Слични искуства споделуваат и други млади лица од САД, кои во своите комплети вклучуваат предмети како етерични масла, ментол бонбони, фиџет играчки, слушалки за намалување на бучавата и бележници за запишување мисли.

Стручњаците објаснуваат дека овие предмети функционираат преку стимулирање на сетилата и пренасочување на вниманието од анксиозни мисловни циклуси кон конкретни физички сензации, што може да помогне во смирување во акутни ситуации.

@krazysarai for my fellow anxious girlies here’s what I can’t leave the house without🫶🏽💆🏽‍♀️ ilyyy🥹 #mentalhealth #anxiety #anxiousgirl #anxiousrelief #whatsinmybag #haul #mentalhealthmatters #mentalhealthawareness #fyp #foryou ♬ original sound – Sarai Jones

Сепак, психијатрите предупредуваат дека овие алатки не ја решаваат основната анксиозност, туку служат како привремена поддршка, додека долгорочниот третман останува психотерапијата и, во одредени случаи, медикацијата.

@jennastindt for my anxious girlies 😌 #anxietyrelief #anxiousgirl ♬ original sound – Jenna Stindt

И покрај тоа, трендот брзо се шири на социјалните мрежи, каде што младите го опишуваат како практичен начин за враќање на чувството на контрола во моменти на психолошка криза, објави Скопје1.мк