Најмалку девет лица загинаа во израелски напади во јужен Либан

Најмалку девет лица загинаа утрово во израелски напади во јужен Либан, објавија либанските медиуми.

Најмалку три лица загинале, а седум се повредени во израелски напад врз станбена зграда во Џебчит во јужен Либан, северно од реката Литани, објави Ал џезира.

Се известува дека четири лица загинале, а шест се ранети во израелскиот напад во градот Тулу, додека две лица загинале во напад врз градот Харуф ​​во јужен Либан.

Повеќе од 2.500 лица се убиени во израелските воздушни напади низ Либан од 2 март, кога либанската милитантна група Хезболах отвори оган врз израелски позиции, што го натера Израел да одговори со серија воздушни и копнени напади.