СДСМ до Љутков: Празните честитки се лицемерие додека го рушите колективниот договор во културата

Комисијата за култура на СДСМ упати остри критики до министерот Зоран Љутков по повод 1 Мај, обвинувајќи го дека неговите политики директно ги загрозуваат правата на културните работници. Според опозицијата, наместо сигурност и доследна примена на колективниот договор, министерството започнало процеси за негово разградување, создавајќи неизвесност во секторот.

​Партијата посочи на парадоксот што Љутков, кој во минатото беше активен синдикалец, денес од позиција на министер дејствува против своите поранешни колеги. СДСМ порача дека Меѓународниот ден на трудот не е ден за празни зборови, туку за дела, а моменталните активности на министерството се протолкувани како откажување од основните принципи за заштита на работниците. Културните работници будно ги следат овие процеси и нема да премолчат на игнорирањето на нивните права, се вели во соопштението