(Видео) Се урна хеликоптер во Тајланд, има повеќе повредени лица

03.05.2026 09:27
556 Читање помалку од 1м

Во округот Муанг, во провинцијата Самут Пракан, во централниот дел на Тајланд, утринава се урна хеликоптер, а според првичните информации, има повеќе повредени лица.

Локалниот Центар за итни интервенции примил пријава околу 9:10 часот за пад на хеликоптер со непознат сопственик во областа зад поштенското биро во административната единица Тамбон Тај Бан, пренесува дневникот „Бангкок пост“.

Според првите извештаи од местото на несреќата, потврдено е дека има повеќе повредени, но засега не е познат точниот број ниту тежината на нивните повреди.

Екипи на итната медицинска помош веднаш се упатиле на терен за да им укажат помош на повредените и да ги пренесат во блиските болници. Спасувачките служби и надлежните власти го обезбедиле подрачјето, а во тек е истрага за утврдување на сопственикот на леталото и причините за несреќата.

Извор: skopje1.mk

Back to top button
Close