Експлозија во Бристол: две лица загинаа, жителите евакуирани

Две лица загинаа, а жителите беа итно евакуирани по експлозија што утрово го потресе станбено подрачје во Бристол. Полицијата и итните служби интервенирале веднаш по пријавата, која била примена околу 6:30 часот.

Инцидентот се случил на улицата Стернкорт Роуд, а причината за експлозијата засега се третира како сомнителна. Надлежните прогласиле голема вонредна состојба, додека истрагата е во тек.

Полициска блокада останува поставена во областа Френчеј, каде што службите продолжуваат со интервенцијата. Од полицијата потврдија дека две возрасни лица го загубиле животот на местото на настанот, а нивните семејства се веќе известени.

Надлежните институции апелираат до граѓаните да го избегнуваат подрачјето додека траат активностите на службите и истрагата за утврдување на причините за експлозијата.

Извор: skopje1.mk