(Видео) Инцидент на аеродром во САД: авион при слетување удри во камион и столб
Вистинска драма се одвивала при слетување на патнички авион на Меѓународниот аеродром Њуарк Либерти во САД, кога леталото удрило во камионска приколка и столб за улично осветлување на автопат во непосредна близина.
A bakery truck that left Baltimore was struck by an airplane near Newark Liberty International Airport, and the entire moment was caught on dashcam video, according to the owner of Baltimore-based H&S Bakery and FOX45.
Chuck Paterakis, senior vice president of Transportation &… pic.twitter.com/XBMKGhKl9i
— The Baltimore Sun (@baltimoresun) May 4, 2026
Станува збор за авион „Боинг 767“ на компанијата United Airlines, кој летал од Венеција. Според податоците од системот за следење летови Flightradar24, авионот се движел со брзина поголема од 260 километри на час кога го прелетал автопатот.
Прелиминарната истрага на полицијата на Њу Џерси покажува дека тркалата од стајниот трап и долниот дел од авионот удриле во столбот и приколката, по што столбот погодил и друго возило. Возачот на камионот, Ворен Бордли, се здобил со полесни повреди и бил пренесен во болница.
И покрај инцидентот, авионот безбедно слетал и пристигнал до гејтот, при што ниту еден од повеќе од 200 патници и 10 членови на екипажот не бил повреден.
Од авиокомпанијата соопштија дека ќе спроведат детална истрага за безбедноста на летот, додека техничките тимови веќе ја проценуваат штетата на леталото.
