Најмалку осум лица загинаа во пожар во трговски центар во близина на Техеран

Најмалку осум лица загинаа, а 36 се повредени во пожар во трговски центар западно од иранската престолнина Техеран вчера, објави иранската државна телевизија.

Локалната противпожарна служба соопшти дека облогата на фасадата на изгорената зграда била запалива и дека тоа придонело за брзото ширење на пламенот.

Причината останува непозната.

Иранските медиуми прикажаа видео снимки на кои се гледа густ чад како се издига од местото на инцидентот.