(Видео) Приведени 46 навивачи во Загреб на натпреварот меѓу Динамо и Хајдук, запленета голема количина пиротехника
На фудбалскиот натпревар Динамо-Хајдук од 34. коло на Хрватската национална лига, кој се одржа на загрепскиот стадион „Максимир“, уапсени се 46 лица, соопшти хрватското Министерство за внатрешни работи.
Според податоците на Министерството, на натпреварот имало околу 21.000 посетители, а пред мечот била запленета голема количина пиротехника.
„Полицијата заплени голема количина пиротехнички средства пред натпреварот. Вкупно се приведени 46 лица. Ги растеруваме посетителите. Ги повикуваме граѓаните да ги почитуваат упатствата на полицијата“, се наведува во соопштението на полицијата на социјалната мрежа Икс.
🇭🇷 INCREÍBLE LO QUE PASO HOY EN EL CLASICO CROATA.
Los Ultras de Hajduk Split se infiltraron en cancha de Dinamo Zagreb, y pusieron en la tribuna local unos artefactos que hacen mecha y fuego.
Gracias a eso, LOGRARON QUEMAR EL TRAPO PRINCIPAL de los Ultras de Dinamo Zagreb, Los… pic.twitter.com/1Qb9dZzcJC
— 🥊𝕳 BARRAS DEL MUNDO ⚽🍺 (@Barras_LATAM) May 10, 2026
Претходно полицијата објави дека пред почетокот на натпреварот биле приведени 31 лице.
Од хрватското МВР ги повикаа навивачите на коректно однесување и спортско навивање.
„Поддржете го својот клуб. Почитувајте го противникот. Чувајте ја безбедноста на сите“, порачаа од полицијата.
Извор: skopje1.mk
