Зверев прв финалист на Ролан Гарос

Германскиот тенисер Александар Зверев се пласираше во финалето на Ролан Гарос, откако попладнево во четири сета го совлада Чехот Јакуб Меншик со 7-5, 6-2, 3-6, 6-3.

Дваесетидеветгодишниот Зверев се избори за своето четврто грен слем финалето, а во претходните три претрпе исто толку порази – на Ју Ес Опен 2020, Ролан Гарос 2024 и Австралија Опен 2025.

Во неделното финале, Зверев ќе игра против победникот од втората полуфинална пресметка меѓу Италијанецот Флавио Коболи и неговиот сонародник Матео Арналди.

За поразениот Меншик ова е најдобар резултат на грен слем турнирите, заедно со освоениот АТП Мастерс 1000 турнир во Мајами во 2025 година.