Родри подложен на операција на грбот

Шпанскиот фудбалер од средниот ред Родри беше подложен на мала операција на грбот, објави денеска неговиот клуб Манчестер Сити.

Родри, кој во 2024 година ја освои „Златната топка“, а беше прогласен за најдобар фудбалер на Светското првенство на кое ја предводеше Шпанија до титулата претходно овој месец, имаше проблеми со грбот пред конечно да одлучи да се оперира.

„Играчот од средниот ред имаше проблеми веќе некое време, но сега е опериран за да се реши проблемот и ќе започне краток период на рехабилитација“, соопшти Сити.

Англискиот клуб не објави временска рамка за неговото враќање, но британските медиуми јавија дека Родри би можел да го пропушти почетокот на сезоната во Премиер лигата, која стартува на 21 август.

Трисетгодишниот Родри има уште една година од договорот со Сити, а во последно време често се поврзува со трансфер во Реал Мадрид.