Денес во 14 часот протестен марш во Скопје по пресудата за Тачи

Протестен марш по повод првостепената пресуда на Специјализираните совети во Хаг против поранешните водачи на УЧК ќе се одржи денеска во Скопје.

Маршот е најавен за 14 часот, со почеток од плоштадот „Скендербег“. Организацискиот совет упати повик до граѓаните и до албанските политички партии да се приклучат на протестот.

На маршот се очекува да присуствуваат и семејства на загинати, ветерани и воени инвалиди, поранешни затвореници и политички прогонувани лица, како и претставници на верскиот, академскиот и граѓанскиот сектор.

На 16 септември, Хашим Тачи и Јакуп Красниќи беа осудени на по 25 години затвор, Кадри Весели на 18 години, а Реџеп Селими на 13 години затвор.

Судскиот совет ги прогласи за виновни за повеќе воени злосторства, додека за обвиненијата за злосторства против човештвото беа ослободени.

Пресудата е првостепена, што значи дека страните имаат право да поднесат жалба.

Извор: skopje1.mk