Блумберг: Иранските претставници изразија песимизам во врска со можноста за постигнување договор

Иранските претставници изразија песимизам во приватни разговори за можноста за постигнување договор за прекин на непријателствата со Вашингтон и повторно отворање на Ормуската теснина пред среднорочните избори во САД во ноември, изјавија денеска за Блумберг извори запознаени со разговорите.

Иран и САД постигнаа мал напредок за време на разговорите одржани минатата недела во Њујорк на маргините на Генералното собрание на ОН, а Иран гледа голема веројатност за ескалација на конфликтот по изборите во САД на 3 ноември, велат изворите, од кои некои добиле информации директно од иранските претставници.

Иранските претставници постојано нагласуваат дека се подготвени за дипломатски пристап, но дека не веруваат дека администрацијата на американскиот претседател Доналд Трамп ќе ги почитува условите на кој било договор. Белата куќа има слична недоверба кон Техеран, а Трамп рече дека се сомнева дека може да се постигне договор пред среднорочните избори.

Американски претставник, зборувајќи под услов да остане анонимен, рече дека договор со Иран нема да се постигне сè додека не се реши нуклеарната програма на земјата.