МВР ги најде возачите кои со автомобилите се движеа по пешачката патека покрај Вардар, следува казна

Двајца скопјани ќе се соочат со санкции откако управувале патнички возила по пешачката патека во близина на кејот на реката Вардар во Скопје.

Како што информираат од МВР, по објавеното видео во дел од медиумите на 8 октомври 2026 година, на кое се гледаат возила како се движат по несоодветна површина, полициски службеници од СВР Скопје презеле мерки за утврдување на случајот.

„Утврдено е дека автомобил „Фолксваген Туран“ со скопски регистарски ознаки го управувал Б.Ќ. (45) од Скопје, додека автомобил „Мерцедес“, исто така со скопски регистарски ознаки, го управувал Ј.А. (42), исто така од Скопје.

Против двајцата возачи ќе бидат преземени мерки согласно одредбите од Законот за безбедност на сообраќајот на патиштата“, информираат од МВР.