Пожар во Хитлеровото „Орлово гнездо“, полицијата приведе едно лице

Голем пожар го зафати „Орлово гнездо“, планински објект во јужна Германија кој го користеле Адолф Хитлер и други нацистички функционери. Германската полиција приведе едно лице и ја испитува неговата можна поврзаност со пожарот.

Противпожарниот аларм се активирал во петокот во 21:50 часот. Пожарникарите ја затекнале зградата целосно во пламен, а според снимките од метеоролошка камера, огнот бил активен и рано утрово.

Во интервенцијата учествувале околу 200 пожарникари и припадници на итните служби. Гаснењето е отежнато поради местоположбата на објектот, на надморска височина од 1 834 метри. Полицијата го блокирала пристапниот пат.

Фото: Принтскрин

Во зградата немало луѓе и нема повредени. Засега не е соопштен можен мотив, а криминалистичката истрага продолжува.

Објектот, познат како Келштајнхаус, е изграден во 1938 година за прием на нацистички функционери и гости. Тој е одвоен од блиската Хитлерова резиденција „Бергхоф“. Ја преживеал Втората светска војна неоштетен, а денес е во сопственост на Баварија. Од 1952 година во него работи ресторан