Под мотото „Охрид не молчи! Доста е!“ граѓаните во Охрид излегуваат на протест против насилството врз жените

Со порака дека е доста од молчење, оправдувања и институционално непостапување, во Охрид за 21 ноември е најавен мирен граѓански протест против фемицидот, родово базираното и семејното насилство

Протестот ќе се одржи во сабота, од 12 до 14 часот, под мотото „Охрид не молчи! Доста е!“. Повод за собирот се загриженоста и револтот поради насилството врз жените, но и неодамнешниот случај што ја потресе охридската јавност и потсети дека насилството може да се случува и во непосредната околина.

Учесниците ќе се соберат на градскиот плоштад „Св. Климент Охридски“, по што поворката ќе продолжи низ Охридската чаршија до СВР Охрид, ќе се движи по булеварот „Македонски просветители“ и ќе заврши пред Основниот суд во Охрид.

Организаторите бараат поголема заштита на жртвите, одговорност од надлежните и конкретни промени во справувањето со насилството.

„Преку глава ни е од молк, оправдувања и институции што не реагираат навреме. Бараме заштита, одговорност и конкретни промени. Не сакаме да чекаме да биде предоцна!“ порачуваат од иницијативата.

Под слоганот „Охрид не молчи! Доста е!“, граѓаните се повикуваат да излезат и да испратат јасна порака против насилството и институционалното непостапување.

Можеби ќе ве интересира
Close
Back to top button
Close