Ја одложија седницата ама без да кажат зошто. За нов председател на судскиот совет ќе почекаме
Пропадна и вториот обид на членовите на Судскиот совет да изберат претседател кој ќе ја замени разрешената Весна Дамева.
Во денешното соопштение од Судскиот совет не се наведува причина за одложување, ниту за кога се презакажува седницата.
Судскиот совет на Република Северна Македонија известува дека 439-та итна седница која беше одложена за ден 02.05.2023 година (вторник) во 11:00 часот се одлага. За денот и часот на одржување на седницата дополнително ќе биде објавено соопштение, стои во денешното соопштение од Судски совет.
Заменик-претседателот Селим Адеми минатата недела ја разреши Дамева од функцијата претседател на Судски совет. Целата седница помина во тензична атмосфера, а многу експерти ја оспорија и осудија одлуката на Адеми.
Разрешената претседателка Дамева произнесувајќи се за предлогот за одлагање на седницата рече дека се надева оти „во наредните денови ќе има доволно време да се обезбеди потребното мнозинство“.
Заменик-претседателот Селим Адеми минатата недела ја разреши Дамева од функцијата претседател на Судски совет. Целата седница помина во тензична атмосфера, а многу експерти ја оспорија и осудија одлуката на Адеми.
Разрешената претседателка Дамева произнесувајќи се за предлогот за одлагање на седницата рече дека се надева оти „во наредните денови ќе има доволно време да се обезбеди потребното мнозинство“.
Мене ми е навистина непријатно што ова се случува. Иако морам да бидам искрена, како што сум била секогаш, дека очекував дека ќе имате мнозинство да се изгласа во овој момент, но ќе оставиме уште два дена да видиме дали вашето незаконско разрешување без спроведена каква било постапка, понатаму на некој начин ќе се легализира, коментираше Дамева.
Нејзиниот колега, Адеми е согласен со експретите дека треба да се регулира прашањето околу „разрешување на претседател на Судски совет“.
Во закон не е предвидено како се разрешува и дали може да се разреши претседател на Судски совет, но се што не е забрането со Устав и со закон е дозволено, изјави тој интервју за „Портплаб“.
Нејзиниот наследник требаше да се избира на седница на 27 април, но беше одложена за денеска. Заменик-претседателот на Советот Селим Адеми, тогаш побара одлагање за неколку дена, поради, како што рече, важноста на прашањето како што е избор на нов претседател, за кое би било добро присуство на сите 13 членови.
Минатата недела, дел од членовите на Советот на чело со заменикот претседател, Селим Адеми ја разрешија Дамева, според нив заради тоа што го криела писмото на амбасадорката на САД, Анџела Агелер и нарушените меѓучовечки односи.
Според неофицијални информации, затоа што на дневен ред требало да се стави разрешувањето на судијата, Енвер Беџети, кој неоправдано го доведе до чекор на застарување предметот за масовното прислушување.
