Ахмети: Нападот во Косово е провокација со одредена агенда, а последиците може да бидат регионални

Претседателот на ДУИ, Али Ахмети денеска преку Фејсбук го осуди нападот во Косово, кој го нарече сериозна провокација која може да има регионални последници ако не се управува со ладнокрвност.

-Најостро го осудувам нападот врз косовската полиција и убиството на полицаецот, како и ранувањето на други лица на северот на Косово. Оваа сериозна провокација е намерна со однапред одредена агенда, па затоа треба да се управува со ладнокрвност и мудрост бидејќи последиците може да бидат регионални, односно да се одразат врз мирот и стабилноста во регионот. Овие случувања се неприфатливи и координацијата и соработката со меѓународната заедница, гарантирајќи го мирот и независноста на Косово, е неопходна и итна. Потребна е итна акција за гаснење на убиствениот пожар. Изразувам искрено сочувство до семејството на жртвата и брзо закрепнување на повредените, напиша Ахмети.