Австриската Влада ја ограничува цената за струја за домаќинствата

07.09.2022 16:53
176 Читање помалку од 1м
epa01388176 A lit gas ring is pictured in London, 19 June 2008. Household energy bills may increase by as much as 40% this winter 2008, as oil and wholesale gas prices hit record highs. The increases could mean households paying 500 euros more a year on average for their gas and electricity, senior industry sources have said. It would put more pressure on homeowners already struggling with higher food and fuel costs. EPA/ANDY RAIN

Домаќинствата во Австрија ќе ја плаќаат целата или најголем дел од потрошената електрична енергија по фиксна тарифа одредена од државата, соопшти денеска Владата во Виена.

Коалицијата, составена од централно десничарската Народна партија и Зелените, се договори за ограничување на цената на електричната енергија.

Се очекува мерката да чини четири милијарди евра, а просечно домаќинство за струја ќе плаќа околу 500 евра годишно помалку.

Парламентот треба да ја потврди мерката, што би требало да биде во сила од декември до средината на 2024 година.

Нето цената на електричната енергија ќе се ограничи на 10 центи за киловат час до годишна потрошувачка од 2.900 киловат часови.

Со тоа, како што тврди Владата, ќе се покрие околу 80 отсто од потрошувачката на просечно домаќинство. Дополнителна потрошувачка ќе мора да се плаќа по сегашната тарифа, што моментално изнесува 17 центи за киловат час.

Ограниченото ниво од 10 центи одговара на она што се наплаќаше пред наглиот пораст на цените поради нарушувања на пазарот за гас по руската инвазија врз Украина.

Владата најави и друго намалување на цената за струјата за големи семејства и за сиромашните

Back to top button
Close