Британскиот амбасадор во Мексико отпуштен откако наводно вперил пушка во вработен

Британскиот амбасадор во Мексико, Џон Бенџамин, е отпуштен откако наводно вперил пушка во службеник на амбасадата, јави Фајненшл тајмс.

Повикувајќи се на видео објавено на социјалните мрежи и лице запознаено со инцидентот, весникот наведува дека Бенџамин патувал низ две мексикански држави познати по силните нарко картели кога подигнал пушка и ја вперил кон вработен додека патувале со возило.

Инцидентот се случил во април, изјавиле извори за Фајненшл тајмс, а Бенџамин набрзо бил отпуштен.