Д-р Марија Андоновска потврди: Вкупно 16 вработени во Зоолошка се анкетираат од епидемиолози
Вкупно 16 вработени во зоолошката градина во Скопје во моментов се анкетираат од страна на епидемиолози, поради појавата на птичји грип во зоолошката градина, изјави за Канал 5, директорката на Инситутот за јавно здравје, Марија Андоновска.
– Се прави епидемиолошка анкета. Во моментов додека зборуваме се прави епидемиолошка анкета. Луѓето работат, и по нејзиното завршување ќе бидат донесени одредени заклучоци и ќе биде кажано дали има потреба и колку од овие 16 лица треба да се следат и да бидат под здравствен надзор, вели таа.
Таа смирува дека место за паника нема, бидејќи, како што нагласи, институциите делуваат веднаш.
-Во моментов на територија на Европа нема пријавен случај на заболен човек од птичји грип.
-Птици да, но не и човек , вели Андоновска
