Даниел Редклиф ќе стане татко

Британскиот актер Даниел Редклиф, кој го отелотвори Хари Потер во филмската франшиза заснована на серијата бестселери на Џ.К.Роулинг, го очекува своето прво дете со долгогодишната партнерка Ерин Дарк.

Претставник на 33-годишниот актер ја потврди веста за новинската агенција ДПА во саботата.

Редклиф и 38-годишната американска актерка за прв пат ќе станат родители, а сопругата на актерот веќе е фотографирана со труднички стомак.

Двојката се запозна на снимањето на филмот „Убиј ги твоите сакани“ во 2013 година.

Редклиф, кој исто така глумеше во хорор филмот од 2012 година „Жената во црно“ и комедијата „Швајцарски армиски човек“ од 2016 година, го поминува своето време со Дарк на релација Велика Британија-САД.

Дарк, родена во Мичиген, е најпозната по нејзината улога во серијата „Good Girl Revolt“ од 2015 година, а неодамна се појави и во „The Marvelous Mrs. Maisel“.

Редклиф ја играше главната улога во „Wird: The Al Yankovic Story“, кој беше објавен минатата година. Биографскиот филм го следи животот и кариерата на комичарот Ал Јанковиќ, кој стана познат по неговите комични пародии на класични песни.