Германија најави план за поттикнување на економијата од 130 милијарди евра
![](https://libertas.mk/wp-content/uploads/2020/06/germani-a-na-avi-plan-za-pottiknuva-e-na-ekonomi-ata-od-130-mili-ardi-evra.jpg)
Германската канцеларка Ангела Меркел најави синоќа план за обнова од 130 милијарди евра за периодот 2020-2021 година, чија цел е да ја поттикне економијата, која е тешко погодена од пандемијата на новиот коронавирус.
По дводневни разговори, Меркел истакна дека пакетот мерки претставува „смел одговор“, кој ќе ги поттикне потрошувачката и инвестициите, и ќе го намали притисокот врз семејствата и останатите.
Помошта е предвидена за задолжените општини, за времено намалување на ДДВ-то, префрлање на заедничките долгови врз сојузната држава, додаток од 300 евра по дете за семејствата или двојно поголема премија за купување електричен автомобил со цел да се поддржи автомобилската индустрија.