Германската полиција изврши рации кај осомничени десничарски екстремисти во повеќе градови

– Полицијата во германската сојузна држава Северна Рајна-Вестфалија рано утрово почна рации во осум градови, насочени против осомничени десничарски екстремисти, соопштија извори од безбедносните служби.

Претресите во најнаселената германска сојузна држава се насочени кон 10 осомничени поврзани со групата позната како „Млади и силни“. Сите се германски државјани, наведуваат изворите.

Еден од осомничените веќе бил во истражен затвор во врска со друг случај, пренесе ДПА.