Хрватски воен аналитичар: Дронот кој падна во Русија е ист како тој што падна во Загреб пред неколку месеци
Денеска се случила експлозија во градот Киреевск во руската област Тула, во која беа повредени три лица. Како што пренесуваат руските медиуми, на местото на несреќата експлодирал украинскиот дрон „Ту-141 Стриж“. Станува збор за истиот дрон кој минатата година се урна во Загреб, а тоа го потврдил и воениот аналитичар Горан Реџеповиќ, пренесува N1 Hrvatska.
Да потсетиме, на 10 март 2022 година во близина на студентскиот дом „Стјепан Радиќ“ во Загреб се урна беспилотно летало.
„Тоа е истиот дрон кој падна во Загреб, а Тула е центар на руската воена индустрија“, вели Реџеповиќ.
Тој додава дека станува збор за дрон од советско производство, кој бил произведен во Харков, Украина, за време на Советскиот Сојуз.
