Израел: Ликвидиран лидерот на групата поврзана со убиството на семејството Бибас

Израелските одбранбени сили (ИДФ) соопштија дека во операција во Појасот Газа е убиен Асад Абу Шараја, лидер на палестинската милитантна група „Бригадите на мудџахидините“, кој бил директно поврзан со киднапирањето и убиството на членовите на израелското семејство Бибас.

Шири Бибас и нејзините две мали деца беа киднапирани по нападот на Хамас врз јужен Израел на 7 октомври 2023 година, а беа убиени додека беа во заробеништво. Телата им беа вратени од Хамас претходно оваа година.

Абу Шараја бил убиен при заедничка операција на израелската армија и безбедносната служба Шин Бет во градот Газа.

Израелската војска соопшти дека Абу Шараја е одговорен и за киднапирањето на тајландскиот државјанин Натапонт Пинта, чие тело беше вратено вчера, како и за одвлекувањето на Гази Хагај и Џуди Вајнштајн, чии тела беа вратени претходно оваа недела.