Кешишев во судница рече дека никогаш не го слушнал Палчо да разговара со таткото на Вања
Влатко Кешишев – еден од обвинетите за убиствата на Вања Ѓорчевска и Панче Жежовски на денешното судско рочиште опиша како по убиството на Панче стигнале во Скопје и го паркирале „цитроенот“, но и за тоа што се случувало откако била грабната Вања кај нејзината зграда.
На прашање од бранителот на Александар Ѓорчевски, адвокат Владимир Туфегџиќ дали во негово присуство имало разговори за повеќе лица пред да се грабне личноста од Скопје, рече „Освен за личноста што требаше да биде во дупката, за други не се разговараше“.
За тоа колку средби имало пред да се донесе одлука за грабнување на личноста од зградата, Кешишев рече:
„Неколку пати. Кога и да дојдеше Велибор се почнуваше оваа тема. Не сум слушнал дека некој во разговорите го споменува Александар. Не знам од кого требаше да се бараат парите за грабнувањето. Сликата од девојчето ја видов по грабнувањето, дотогаш ја немав видено. Не сум слушнал никогаш дека Палчо разговара на телефон со таткото на девојчето“.
…
