Кулеба: Украина и Русија на чекор до постигнување договор за извоз на житo

13.07.2022 10:32

284 Читање помалку од 1м

epa10030668 A Ukrainian farmer checks grain during a barley harvest in Odesa area, Ukraine, 23 June 2022. The Food and Agriculture Organization (FAO) of the United Nations said in its 10 June note assessing the risks emanating from the conflict in Ukraine that ‘the current war raises concerns over whether crops will be harvested. It has already led to the closures of ports and oilseed crushing operations, affecting products intended for the export markets’. These are taking a toll on the country’s exports of grains and vegetable oils. On 24 February Russian troops entered Ukrainian territory starting a conflict that has provoked destruction and a humanitarian crisis. EPA-EFE/LESZEK SZYMANSKI POLAND OUT

Украина и Русија се на чекор до постигнување договор за извоз на житo, тврди украинскиот министер за надворешни работи, Дмитро Кулеба, во интервју за шпанскиот весник Ел Паис.

„Украина е подготвена да го извезува своето жито. На чекор сме до постигнување договор со Русија. Во завршна фаза сме и сега сè зависи од Русија. Доколку навистина сакаат, наскоро ќе започне извозот на жито”, појаснува Кулеба.

Во тек се меѓународни преговори за организирање извоз на украинско жито преку Црното Море, каде Анкара игра активна улога.

Турски претставници разговараат за создавање таканаречен житен корид р со Киев и Москва. Претходно, Москва нагласи дека Русија не го спречува извозот на украинско жито преку море.

Рускиот претседател Владимир Путин изјави дека Москва ќе гарантира непречен премин на бродови со украинско жито, доколку Киев ги исчисти своите пристаништа од мини.

Во Истанбул денеска ќе се одржи состанок за извоз на украинско жито преку море. Присутни ќе бидат воени делегации на Русија, Турција, Украина, како и претставници на Обединетите Нации.