Маск ги остави вработените на Твитер без бесплатните оброци

Илон Маск ги укина бесплатните оброци за вработените на Твитер за да заштеди 13 милиони долари годишно, откако тврдеше дека повеќе луѓе носеле свои оброци отколку што ги јаделе.

„ Твитер троши 13 милиони долари годишно за сервисирање на храна за неговото седиште во Сан Франциско. Повеќе луѓе си подготвуваат сами храна отколку што јадат во компанијата. Тие дури и не се мачат да служат вечера бидејќи нема никој во зградата“, напиша милијардерот на Твитер.

Маск претходно тврдеше дека Твитер потрошил 400 долари по појадок во последните 12 месеци. Милијардерот сака да ги намали трошоците откако ја купи компанијата во зделка вредна 44 милијарди долари. Високите трошоци за задолжување и растечкиот бојкот на огласувачите откако Маск ја презеде компанијата извршија голем притисок врз бизнисот. Маск минатата недела изјави дека банкрот не е на одмет.

Одлуката на Маск да ги прекине бесплатните оброци доведе до судир со поранешната директорка за недвижнини на Твитер, Трејси Хокинс, која на Твитер одговори на тврдењата на Маск и кажа дека посетеноста на канцеларијата била помеѓу 20 и 50 проценти. „Бесплатните оброци им овозможија на вработените да работат за време на појадок и состаноци“, рече таа.