Москва тврди дека за 8 дена загинале 500 а Украина дека загинале 7.000 руски војници

Руските вооружени сили уништија повеќе од 1.500 воени цели од почетокот на специјалната воена операција во Украина, вклучувајќи 13 борбени авиони и 47 беспилотни летала, соопшти денеска руското Министерство за одбрана.

„За време на досегашните воени операции, уништени се 1.533 воени цели “, изјави на денешната прес-конференција, портпаролот на Министерството за одбрана Игор Конашенков.

Конашенков објасни дека на земја биле погодени 47 воени авиони, додека во воздух биле соборени уште 13 авиони и 47 беспилотни летала и дека 484 тенкови и други борбени оклопни возила.

Претходно, официјални лица од одбраната на Русија соопштија дека „речиси 500 руски војници се убиени од почетокот на војната во Украина“.

„Загинаа 498, а уште 1.597 се ранети во изминатите седум дена“, тврди руското Министерство за одбрана во својот прв извештај за воени жртви откако земјата го нападна својот источноевропски сосед минатата недела.

Украина веднаш се јави со реакција и истакна досега се убиени повеќе од 7.000 руски војници.

– Стотици руски војници се наоѓаат во заробеништво – рече Олексиј Арестович, советник на украинскиот претседател Володимир Зеленски.