Навални ќе биде погребан вo петок на гробиштата во Москва

Погребот ​​на Алексеј Навални ќе се одржи во Москва во петок, изјави неговата портпаролка, по потрагата по место каде што верниците би можеле да се простат од 47-годишниот дисидент, кој почина во сибирска казнена колонија на 16 февруари.

Кира Јармјуш на X објави дека погребната служба ќе се одржи во црквата на Богородица во московскиот кварт Маржино и ги покани луѓето да се соберат таму. Навални потоа ќе биде погребан на гробиштата „Борисов3.

Неговите приврзаници го обвинуваат претседателот Владимир Путин за неговото убиство, бидејќи не можел ни да помисли дека Навални ќе биде ослободен во евентуална размена на затвореници.

Кремљ негираше вмешаност на државата во неговата смрт и, исто така, тврди дека тие не знаеле за каков било договор за ослободување на Навални.

Во неговата смртна потврда пишува дека починал од природна смрт.

Пред четири дена, 12 дена по неговата смрт, телото на Навални конечно и беше предадено на неговата мајка Људмила.

Ден претходно таа за медиумите изјави дека руските власти и дале ултиматум во рок од неколку часа да го закопа синот тајно меѓу семејството, во спротивно ќе го закопаат во колонијата каде што починал.

Кремљ нејзините изјави ги нарече „апсурдни“.

Во вторникот, портпаролката на починатиот опозициски лидер рече дека неговиот тим има потешкотии да најде погребално претпријатие, а исто така рече дека некои одбиле да ја одржат церемонијата кога дознале за кого станува збор