Нетанјаху лично ќе преговара со Трамп за царините

Премиерот на Израел, Бенјамин Нетанјаху прв од светските лидери денеска ќе има средба со американскиот претседател Доналд Трамп за царините.

– Израел денеска е прв во редот за состанок. Сигурно ќе разговараат и за трговската политика, но и за ситуацијата во Блиски исток, изјави директорот на Националниот економски совет Кевин Хашет, додавајќи оти Трамп за време на викендот телефонски разговарал со поголем број лидери.

Според него, САД се подготвени за „добар договор“.

Според минатонеделната најава на Трамп, за Израел предвидени се царини од 17 отсто.