Од „Waka Waka“ до „Dai Dai“: Шакира блесна на Светското првенство во Мексико
Настапот на Шакира на Светското првенство во Мексико предизвика лавина реакции на социјалните мрежи, а многумина признаваат дека ги вратил спомените на незаборавната атмосфера од Мундијалот во 2010 година.
View this post on Instagram
Колумбиската ѕвезда тогаш го одбележа шампионатот со хитот „Waka Waka (This Time for Africa)“, песна која и денес важи за една од најпрепознатливите фудбалски химни. Со својот глас и енергичните танцови движења, Шакира тогаш стана симбол на една генерација љубители на фудбалот.
Синоќа таа повторно се најде на мундијалската сцена, каде што го изведе својот нов хит „Dai Dai“, а покрај музичкиот настап, внимание привлече и со впечатливиот моден избор.
Шакира се појави во жолт мрежест боди, боја која важи за еден од најголемите трендови ова лето. Деталите на костимот му дадоа модерен и сценски изглед, додека енергичната жолта нијанса совршено се вклопи со нејзината препознатлива кореографија.
Посебен акцент на стајлингот беше асиметричното мини здолниште во виолетово-бела комбинација, кое внесе спортски дух и интересен контраст со бодито. Изгледот го надополни со брановидна фризура и црни очила за сонце, додавајќи му младешка и урбана нота.
Фотографиите и видеата од настапот продолжуваат да се шират на интернет, а обожавателите се едногласни – Шакира уште еднаш покажа зошто е една од највпечатливите музички ѕвезди поврзани со Светските првенства.
