Операција „Пандора“ на Европол: Затворени 12 кол- центри за телефонски измами

Мрежата на кол центри преку кои се вршат телефонски измами на граѓани која ја разоткри Европол се протега од Германија до Либан, преку Албанија, Косово и БиХ

Европол денеска соопшти дека во раните утрински часови на 18 април годинава, германските, албанските, босанско-херцеговските, косовските и либанските полициски сили извршија рација во 12 центри за повици, идентификувани како извор на илјадници дневни повици за измама.

Во акцијата поддржана од Европол се приведени 21 лице и притоа е уништенна криминална мрежа одговорна за измама на илјадници жртви преку употреба на различни начини на работа. Од шокантни лажни полициски повици, убедлива инвестициска измама или романтични измами кои го трошат срцето. Во невиден напор за спроведување на законот, голема германска истрага еволуираше во операцијата ПАНДОРА, која идентификуваше 39 осомничени.

Операцијата ПАНДОРА започна од шалтер во банка во Фрајбург, Германија. Кога во декември 2023 година, клиентот побарал да подигне над 100.000 евра во готовина, шалтерскиот работник од банката се посомневал и брзо дознал дека клиентот станал жртва на „измама од лажен полицаец“. Ја известил вистинската полиција која ја спречила жртвата да им ги предаде парите на измамниците.