Опозицијата во Шри Ланка на состанок во обид да се договори за формирање нова влада

epa09926348 Protesters clash with the police during an anti government protest outside the parliament complex in Colombo, Sri Lanka, 04 May 2022. Sri Lanka’s main opposition party Samagi Jana Balawegaya (SJB) handed over two No Confidence motions to the Speaker of the Parliament on 03 May, one against the government and another against the President. Protests have been rocking the country for weeks, calling for the president’s resignation for failing to address the current economic crisis. EPA-EFE/CHAMILA KARUNARATHNE
Лидерите на опозициските политички партии во Шри Ланка денеска се состануваат за да се договорат за формирање нова влада, откако претседателот и премиерот на островската држава се согласија да поднесат оставка.

Вчерашниот ден беше кулминација на неколкумесечните протести поради економската криза, откако демонстрантите упаднаа во резиденциите на претседателот и премиерот и изјавија дека ќе останат таму до оставките.

Пратеникот од опозицијата М.А. Сумантиран рече дека обединетата опозиција лесно ќе ги собере потребните 113 гласови за парламентарно мнозинство, по што ќе побараат од претседателот Готабаја Раџапакса да назначи нова влада и самиот да се повлече.

Пратеникот додаде дека партиите се надеваат дека ќе постигнат договор денеска.

Премиерот Ранил Викремесингхе вети дека ќе се повлече кога ќе биде избрана новата влада. Неколку часа подоцна, претседателот на парламентот Јапа Абејвардена рече дека Раџапакса ќе поднесе оставка в среда. Во случај на оставка на премиерот и претседателот според уставот, в.д шеф на државата станува првиот човек на парламентот.

Притисокот за оставки доаѓа во време на масовни протести поради недостигот на храна, гориво и основни производи, и што Шри Ланка исто така се соочува со банкрот.

Можеби ќе ве интересира
Close
Back to top button
Close