Осомничениот за заложничката криза во Дрезден почина од здобиените повреди во полициската акција

epa10359032 Armed members of a special police task force unit near a vehicle outside a shopping center in Dresden, Germany, 10 December 2022. Police announced on its social media that a hostage situation in the eastern German city of Dresden was over and that two people were released ‘unharmed’, after evacuating a shopping mall and its surroundings in the city center. A 40-year-old suspect died after suffering fatal injuries during the police operation to free the hostages, police added. EPA-EFE/MATTHIAS SCHUMANN

 

Четириесетгодишниот маж, осомничен дека ја убил мајка си пред да земе заложници во источниот германски град Дрезден, починал од повредите здобиени во полициската операција, соопштија властите.

Полицијата соопшти дека 40-годишен маж ја убил својата 62-годишна мајка денеска рано наутро во станбена зграда во областа Прохлис во Дрезден.

Во соопштението се наведува дека тој подоцна зел вработен и дете како заложници во трговскиот центар „Алтмарк” во центарот на Дрезден. Властите го евакуираа трговскиот центар и околните области. Заложниците се ослободени и не се повредени.

Пред заложничката криза, 40-годишникот пукал во канцелариите на Радио Дрезден и се обидел да ја пробие вратата.

Осомничениот се обидел да упадне во канцелариите утрово околу 8:30 часот, но не можел да помине низ вратата, изјави извршниот директор Тино Утаси за ДПА.

Откако не успеал да влезе во просториите на радио станицата, осомничениот пукал кон вратата.

Таму биле екипите на утринските емисии на РТЛ и Радио Дрезден.

„За среќа, персоналот беше присебен, истрча преку другиот излез и избега”, рече Утаси.

Back to top button
Close