Приведени сопругата и ќерката на сопственикот на „Пулс“

Синоќа полицијата ги привела сопругата и ќерката на сопственикот на дискотеката „Пулс“, Дејан Јованов – Деко.

Според информациите, двете сѐ уште се во полициската станица во Кочани. При приведувањето им биле одземени пет мобилни телефони.

 

Неофицијално, фалсификуваната лиценца од Министерството за економија ја земала ќерката на газдата.

 

Претходно Основното јавно обвинителство потврди дека во текот на вчерашниот ден и денеска истражните тимови на Јавното обвинителство и Министерството за внатрешни работи координирано преземаат дејствија за обезбедување докази. (фокус.мк)