Путин ја откажува посетата на Анкара-не оди без придружба од руски воени авиони во Турција

Рускиот претседател Владимир Путин ја одложува посетата на Турција поради барањето неговиот авион да биде придружуван од руски борбени авиони, пишува „Мид ист ај“, а пренесува Телеграм каналот РБК.

Минатата година претседателот на Русија неколку пати ги одложуваше официјалните посети на Анкара, пренесува РБК, наведувајќи дека барањето на Москва е тешко да се исполни бидејќи Турција е членка на НАТО и доколку руски борбени авиони навлезат во турскиот воздушен простор, тоа би значело дека НАТО ќе ги види нив како непријателски авиони.

Русија побара од Турција и да го затвори воздушниот простор на Турција поради официјалната посета на Путин, изјави еден од изворите на порталот „Мид листа ај“.

Се известува и дека турските и руските претставници разговарале за пристигнувањето на Путин во Анкара во октомври, но таа посета сега е малку веројатна, токму поради барањата на Кремљ и енмањето намера да се отстапи од тој протокол.

Турција, се наведува понатаму, понудила да испрати свои борбени авиони кои ќе го чекаат рускиот претседател кога ќе влезе во воздушниот простор и кои ќе го придружуваат до слетувањето.

Неименуван турски функционер, сепак, рече дека не се сеќава дека некој странски функционер побарал да влезе во турскиот воздушен простор со своја придружба на борбени авиони.

Но и тука не завршува листата со барања. Наводно, руската страна реагирала и на евентуалното сместување понудено на Путин – кои биле најлуксузните хотели во Анкара: Хилтон, Шератон и ЏВ Мериот. Московските преговарачи исто така го отфрлиле тоа бидејќи рекле дека станува збор за американски хотели и дека Москва ги смета за небезбедни за нивниот претседател