Реал нема планови да го привлече Родри

Шпанскиот гигант Реал Мадрид не покажува никаков интерес за играчот од средниот ред на Манчестер Сити и освојувач на „Златната топка“ Родри. Шпанецот вчера изненадувачки навести дека би заиграл за „кралевите“ доколку добие понуда од „Сантијаго Бернабеу“.

Според шпанското издание „Марка“, штабот на „белите“ не го вклучил славниот играч за врска во своите трансфер планови во текот на следните два прозорци.

Договорот на Родри со Манчестер Сити истекува во 2027 година, а откако ја освои „Златната топка“ пред неколку недели, играчот од средниот ред навести дека најверојатно ќе го напушти „Етихад“.

Шпанецот моментално се опоравува од тешката повреда на коленото и се очекува да се врати на терените дури на крајот од актуелната сезона.