Републиканците го номинираа Том Емер за спикер на Претставничкиот дом

Републиканците го номинираа  Том Емер денеска да го замени соборениот спикер на Претставничкиот дом на САД, полагајќи ги своите надежи да ги изведе од повеќенеделниот хаос што го парализира Вашингтон.

Емер излезе како победник од серијата тајни гласања, објави претседавачот на конференцијата Елис Стефаник

Беа потребни пет круга на гласови за да се постигне консензус.

Емер го победи потпретседателот на Конференцијата на републиканците во Претставничкиот дом, Мајк Џонсон.

Во текот на околу три часа, кандидатите беа отфрлени преку внатрешно гласање или се повлекоа.

Емер сега треба да добие 217 гласови во Претставничкиот дом за да стане претседател.