Романија и Бугарија постигнаа договор со Австрија за делумно пристапување во Шенген зоната

Романија и Бугарија постигнаа договор со Австрија за делумно пристапување во Шенген зоната во март 2024 година, во поморската и воздушната гранична зона, соопшти романската влада.

„После 13 години Романија конечно ќе се приклучи на Шенген! Имаме политички договор за ова“, напиша романскиот премиер Марсел Чолаку на Фејсбук.

Романското Министерство за внатрешни работи соопшти дека е склучен „политички договор“ меѓу трите земји за проширување на зоната „до романската и бугарската воздушна и поморска граница“ од март 2024 година.

Прашањето за отворање на копнените граници беше одложено за дискусија следната година.

Австрија, која пред една година стави вето на влезот на двете земји во Шенген, на почетокот на декември ја претстави идејата за релаксирање на правилата за воздушниот сообраќај за Бугарија и Романија, доколку Брисел ги зајакне надворешните граници на ЕУ.

„За да се приклучат на Шенген зоната, земјите мора да исполнат специфични критериуми засновани на информациите од VisaGuide.world, вклучувајќи контрола на надворешните граници, издавање униформни шенген визи, ефективна безбедносна соработка, усогласеност со шенгенските правила, и поврзување со Шенген-информацискиот систем (SIS) и Visa Information System (VIS). Идни членки се подложени на „Шенген евалуација” за да се процени нивната подготвеност”.