Русија им плаќала 2.000 евра месечно на јавни личности за да шират нејзина пропаганда во Бугарија

Податоците на бугарските тајни служби покажуваат дека Русија им плаќала 2.000 евра месечно на јавни личности, новинари и политичари за да шират нејзина пропаганда во Бугарија, изјави портпаролката на владата и шефица на кабинетот на премиерот Лена Бориславова.

Таа појасни дека парите им биле давани на бугарски политичари, новинари, аналитичари, политиколози и други личности кои се појавуваат во медиуми и нивната задача била да го обликуваат јавното мислење. Според неа, некои од нив биле користени да ја збунуваат јавноста и да шират заблуди и стравови.

„Ова би требало да го знаат сите оние кои бесплатно плукаат по ЕУ и НАТО и ги поддржуваат акциите на Путин во Украина. Оние кои ве инспирираат се платени за тоа. Месечно“, кажа Бориславова.

Бугарија деновиве протера 70 руски дипломати и друг персонал од руската амбасада во Софија. Поради ова, амбасадорката Елеонора Митрофанова кажа дека руската амбасада би можела целосно да се затвори.

 

Back to top button
Close