Руските војници сè повеќе користат сексуално насилство како оружје

epa10279576 Ukrainians light candles as they visit the graves of Ukrainian soldiers killed in the war with Russia at the Lychakiv Cemetery in Lviv, Western Ukraine, 01 November 2022, as they mark the All Saints’ Day and Day of the Dead. Russian troops on 24 February entered Ukrainian territory, starting a conflict that has provoked destruction and a humanitarian crisis. EPA-EFE/MYKOLA TYS
Украинскиот јавен обвинител Андриј Костин го осуди „драстичното зголемување” на сексуалното насилство извршено од руски војници како дел од тековната инвазија на Украина.

– Сите полови и возрасни групи се погодени, изјави Костин за весниците на германската Funke Media Group и францускиот весник Ouest-France во забелешките во кои имаше увид ДПА пред денеска да бидат објавени.

Костин ги обвини руските војници дека намерно користеле сексуално насилство како воено оружје „за да ги понижат Украинците”.

– Во многу случаи, луѓето се силувани, мачени и потоа убиени од руски војници. Често силувањето се случува пред очите на роднините и децата, рече Костин. Руските команданти често наредувале или барем поддржувале силување, тврди Костин. Неговите изјави не можат да бидат проверени од независен извор, забележува ДПА.

Венцел Михалски, директор на германскиот огранок на Хјуман рајтс воч, исто така гледа систематски пристап кон насилството кога станува збор за руската инвазија на Украина која започна на крајот на февруари.

– Злосторствата врз цивилите се дел од воената тактика на руските војници во Украина”, изјави Михалски за весниците на Функе Медиа Груп.

– Насилните дела извршени од војниците, вклучително и силувањето, не се казнети од руските политички лидери и војската. Напротив, силите кои дејствуваат со особена бруталност сè уште се почитуваат, рече тој.

Според украинскиот јавен обвинител, речиси 8.500 цивили се убиени во Украина од почетокот на војната пред околу девет месеци, вклучувајќи 440 деца. Повеќе од 11.000 цивили се повредени.

Back to top button
Close