Русковска – Ќе се вратам во скопското обвинителство, така е по закон

19.11.2022 12:15

1,761 Читање помалку од 1м

На следната седница на Советот на јавните обвинители, закажана за в понеделник, ќе се „решава“ и судбината на обвинителката Вилма Русковска. Поточно, каде ќе биде нејзиното работно место, бидејќи и заврши мандатот во Обвинителството за гонење на организиран криминал и корупција, а од друга страна истата е суспендирана.

Ќе се вратам во Скопското обвинителство,од таму дојдов во организиран криминал ,така е според законот, потврди за Либертас екс шефицата на обвинитекството за организиран криминал. Сепак, суспензијата на Русковска ќе и продолжи и во ова обвинителство, бидејќи таа и важи општо за обвинителската функција. Русковска претходно најави дека пред да се врати на работните обврски ќе требе да го реши здравствениот проблем со колкот. Шеф на Русковска во Скопското обвинителство ќе и биде Гаврил Бубевски а платата е пониска од онаа што ја добиваше кога шефуваше во одделот за организиран криминал.