Се намали загадувањето – ветер го прочисти скопскиот воздух

Задува ветер и воздухот во Скопје и во неколку други загадени градови во земјава се прочисти. По високите нивоа на загаденост кои траеа неколку денови, утрово воздухот конечно е на ниско или многу ниско загадено ниво, според податоците од мерните станици на Министерството за животна средина.

Согласно временската прогноза, за денеска има најави за северен ветер, дожд и снег во вечерните часови, што ќе биде причина да се расчисти загадувањето и да се дише без толкав страв.

Според апликациите за мерењето на квалитетот на воздухот, состојбата на воздухот е прифатлива за повеќето луѓе.