Си му рекол на Бајден дека прашањето за Тајван е црвена линија за Пекинг

epa10305493 Chinese President Xi Jinping (L) greets his US counterpart Joe Biden before their meeting, one day ahead of the G20 Summit in Bali, Indonesia, 14 November 2022. The 17th Group of Twenty (G20) Heads of State and Government Summit will be held in Bali from 15 to 16 November 2022. EPA-EFE/XINHUA /LI XUEREN CHINA OUT / MANDATORY CREDIT EDITORIAL USE ONLY

– Кинескиот претседател Си Џинпинг му рекол на својот американски колега Џозеф Бајден дека прашањето за Тајван е црвена линија во односите меѓу Пекинг и Вашингтон.

Си ова му го рекол на Бајден на маргините на неодамнешниот самит на Г20 во Индонезија, соопшти кинеското Министерство за надворешни работи на својата интернет страница.

– Кинескиот лидер јасно стави до знаење дека тајванското прашање е клучен интерес на Кина, политичка основа и главната црвена линија која никој не може да ја помине, се вели во соопштението.

Ситуацијата околу Тајван ескалира на почетокот на август, откако претседателката на Претставничкиот дом на САД, Ненси Пелоси, го посети островот.

Кина ја осуди посетата, опишувајќи ја како поддршка на тајванскиот сепаратизам и по посетата одржа големи воени вежби во Тајванскиот теснец.

Пекинг не го признава суверенитетот на Тајван, го смета за своја територија и инсистира „политиката на една Кина” да се почитува во целиот свет.

Back to top button
Close