Силен земјотрес ја погоди Италија

Земјотрес со јачина од 5 степени според Рихтеровата скала ја погоди јужна Италија, јавува „EMSC“.

Според извештаите, епицентарот на земјотресот е на 14 километри од Лонгобуко, на длабочина од 17 километри.

Како што соопшти Националниот институт за геофизика и вулканологија на Италија, земјотресот се случил околу 21:42 часот по локално време.

Засега нема извештаи за евентуални жртви или материјална штета.

Земјотресот е почувствуван и на територијата на Албанија и Босна и Херцеговина.