СП 2026: Сенегалската фудбалска федерација објасни зошто играчите биле проверувани на пистата

Сенегалската фудбалска федерација издаде официјално соопштение во врска со видеото што кружи на социјалните мрежи на кое се гледаат играчи од националниот тим како се проверуваат на пистата.

– Како одговор на видеото што циркулира на социјалните мрежи, на кое се гледа како играчите и тренерскиот персонал на сенегалската репрезентација се подложуваат на безбедносен преглед на аеродромската писта, би сакале да го дадеме следново појаснување за да се избегнат какви било погрешни толкувања. Спротивно на некои извештаи, овој преглед не се случил по пристигнувањето на тимот во Сан Антонио, туку по качувањето на летот на аеродромот Рали во недела, 7 јуни, пред заминувањето.

Како дел од логистичките аранжмани за патувањето, автобусот на тимот тргна од хотелот во Рали и се упати директно кон аеродромската писта. Оваа постапка им овозможи на играчите и тренерскиот персонал да поминат низ сите потребни безбедносни и полициски проверки директно на скалите на авионот, без да мора да поминуваат низ редовните аеродромски зони и салони.

Оваа мерка првенствено имаше за цел да го оптимизира времето на патување за делегацијата и да го олесни нивното качување на приватниот лет до Сан Антонио. Би сакале да нагласиме дека оваа постапка е спроведена во целосна согласност со важечките прописи за безбедност во воздухопловството и не се пријавени никакви инциденти. Приватниот лет од Рали до Сан Антонио беше спроведен под одлични услови, а целата делегација пристигна на својата дестинација како што беше планирано“, се вели во соопштението за медиумите.

Светското првенство во 2026 година ќе се одржи од 11 јуни до 19 јули во три земји: САД, Канада и Мексико. Сенегал ќе игра во гупа со Франција, Норвешка и Ирак.