Три лица спасени во последен момент од запалена куќа во Карбинци

Три лица од кои двајца со тежок инвалидитет во последен момент се спасени од запалена куќа во Карбинци, по големиот пожар кој доцна попладнево ја зафати оваа општина, објави ТВ Стар. Пожарот настанал во непосредна близина на првите куќи во селото, а очевидци во изјави за телевизијата, вината ја лоцираат во блиските електрични столбови.

Опожарени се две вили, а зафатена е голема површина на земјоделско земјиште и култури.

Претходно, градоначалникот на Општина Карбинци, Јордан Насев, за МИА изјави дека месното население им помага на штипските пожарникари, кои веднаш се јавиле и дошле на опожарениот дел. Не се знае точно што е причината за овој голем пожар.

Инаку, ова е веќе трета голема огнена стихија во општина Карбинци за речиси еден месец. Претходно изгореа 300 хектари житни култури, овошни и лозови насади.