Јужнокорејскиот претседател тврди дека Сеул и Вашингтон разговараат за заеднички нуклеарни вежби

02.01.2023 12:02
281 Читање помалку од 1м
epa10222051 South Korean President Yoon Suk-yeol presides over a meeting of the National Security Council at the presidential office in Seoul, South Korea, 04 October 2022, to discuss countermeasures against North Korea’s firing of an intermediate-range ballistic missile (IRBM) into the Pacific past Japan earlier in the day. North Korea has conducted five missile launches in just over a week in apparent protest of joint military exercises involving South Korea, the US and Japan, including a naval exercise with the USS Ronald Reagan aircraft carrier. EPA-EFE/YONHAP SOUTH KOREA OUT
Сеул и Вашингтон разговараат за заеднички воени вежби кои вклучуваат американски нуклеарни средства за да се спротивстават на растечките нуклеарни закани на Северна Кореја, изјави јужнокорејскиот претседател Јун Сук-Јеол.

Во интервју за Чосун Илбо објавено денеска, Јун призна дека американскиот „нуклеарен чадор” и нивното „проширено одвраќање” повеќе не се доволни за да ги смират Јужнокорејците.

– Нуклеарното оружје им припаѓа на САД, но подготовката, споделувањето информации, вежбите и обуката треба заеднички да ги вршат Јужна Кореја и САД, рече јужнокорејскиот претседател, додавајќи дека Вашингтон ја примил идејата „прилично позитивно”.

Неговата изјава дојде еден ден откако севернокорејскиот лидер Ким Џонг Ун повика на „експоненцијално зголемување” на нуклеарниот арсенал на неговата земја, објави официјалната севернокорејска новинска агенција КЦНА.

Ким Џонг Ун, исто така, најави дека Северна Кореја ќе развие нови интерконтинентални балистички ракети за да се спротивстави на, како што рече, непријателството од САД и Јужна Кореја.

Во текот на 2022 година, Северна Кореја изврши рекорден број лансирања на проектили.

Пјонгјанг истрела три балистички проектили во саботата на новогодишната ноќ, а една вчера во зори на првиот ден од 2023 година.

Back to top button
Close